警署接離家出走報案 主角竟係狗狗 警電單車護送返屋企

【BG PRO-醫學級還原型輔酶Q10特約】美國威斯康星州Kenosha County一宗「離家出走」報案，近日喺網上瘋傳。不過所謂「未成年走失」，主角其實唔係人，而係一隻四隻腳嘅小狗，搞笑情節令唔少網民笑到噴飯。

事發於Pleasant Prairie Police Department轄區，警方表示當日接報指有「juvenile runaway（未成年離家）」，到場後先發現原來係一隻走失嘅狗狗。片段所見，小狗一臉淡定，完全冇驚慌，仲乖乖跟住警員行，場面十分有趣。

最搶眼係警方安排一名電單車警員「護送」小狗返屋企。警員一邊慢駛，一邊陪住小狗行，猶如VIP待遇，畫面溫馨又帶點喜感。

相關影片由警方官方發布後迅速喺Instagram等社交平台爆紅。不少網民留言笑指「呢單case好嚴重」、「逃犯都幾可愛」，亦有人話「應該列入最得意通緝名單」。