阿根廷一名男童原本開開心心參加學校派對，Cosplay《龍珠》反派菲利（Frieza），點知最後由「扮演角色」變成「直接變身」，仲要係洗唔甩嗰種，畫面曝光後即刻喺網上爆紅。
男童媽媽為咗令造型更加逼真，竟然用白色同紫色嘅牆身乳膠油漆幫佢「全身上色」，成功整出菲利經典第四形態，一開始仲真係幾似樣，現場氣氛亦相當歡樂。
但問題就喺派對完結之後出現——啲油漆完全唔似預期咁可以洗走。片段可見男童全身仍然被顏料包住，家人不停用水同肥皂幫佢清洗，但效果有限，仲見到皮膚上有明顯「刷過」嘅痕跡，搞到一家人又笑又驚。
影片一出即刻引起大量討論，有網民笑言：「直接變最終形態，連退化都唔俾你退」、「呢個Cosplay太入戲，出唔返嚟」，亦有人指媽媽「真係好有心機」，但同時提醒用牆身油漆上身風險極高，「好彩冇敏感，否則仲大件事」。
今次「玩過火」事件亦令唔少人關注Cosplay安全問題，有人建議應該使用專為皮膚設計嘅顏料或服裝，避免類似情況再發生。
至於男童最後有冇成功「解除變身」，暫時仍未有更新，但相信呢次經歷，已經足夠佢記一世。
@pt101_fitness #pt101特約贊助
想開始又未開始？PT101做緊一對一入門級私人教練課程都係$2999/10堂
🍽️ 全方位支援 – 訓練+營養+生活型態調整，六間分店自由選擇
輸入GETFIT2026即可獲得90分鐘免費一對一試堂👇
📲立即預約：https://pt101fitnesshk.com
📞WhatsApp預約：97071396
📍 銅鑼灣 | 鰂魚涌 | 觀塘 | 荃灣 | 中環｜旺角
