網上近日流傳一段短片，一名外賣員疑將車輛停泊路邊上樓送餐，其間遭人偷走車上另一袋外賣並即場進食，落樓後當場揭發事件，雙方對質過程引發熱議。
片段顯示，一名身穿黑色上衣、操普通話的男子站在路邊座椅前，打開外賣盒進食。外賣員上前質問「喂，大佬，做乜X嘢呀你」，對方未有即時停手，繼續食一啖後才淡定回應「吃東西」。外賣員隨即指出「我啲外賣嚟喎」，男子聞言才停下，並將食物蓋回，稱「不好意思」。
外賣員不滿斥責對方偷外賣，要求賠償76元，並指客人正在等候，「一落嚟唔見晒，X人哋等幾X耐，知唔知呀？攞錢嚟呀」。男子其後曾從褲袋取出一盒香煙，抽出一支後又放回，但未有付款，亦未再回應，最終雙手插袋沉默至片段結束。
影片曝光後引來網民熱議，不少人批評男子行為離譜，「有錢買煙無錢畀外賣」、「幾十蚊都唔肯賠」、「佢真係冚返個蓋當冇事發生」，亦有人建議外賣員應報警處理，「賠錢益咗佢，應即時報警」。另有網民指出事件對外賣員影響不小，「就算之後點處理，都要同公司同客人交代」。
