土耳其飛雞突降餐桌 嚇窒街坊後變笑料 雞主揮手：我隻雞飛走咗

【BG PRO-醫學級還原型輔酶Q10特約】土耳其梅爾辛塔爾蘇斯區上演一幕「從天而降」的離奇插曲，一隻從對面大廈五樓飛落的雞突然降落街邊餐桌，嚇得一眾街坊當場彈起，過程更被閉路電視完整拍下。



事發地點為Öğretmenler區2907街。當時有數名市民坐在一間地產舖門外飲茶聊天，其間一隻雞突然由對面大廈飛出，直撲他們的餐桌。


從閉路電視片段可見，該隻雞由五樓位置飛落，直接跌在餐桌中央，嚇得在場人士即時彈起身閃避。眾人短暫混亂後回過神來，更互相詢問發生甚麼事，氣氛隨即由緊張轉為輕鬆，甚至有人忍不住發笑。

事件中無人受傷，但這隻「從天而降」的不速之客，加上市民的即時反應，成為現場一段趣事。

在場的Erkan Çağ表示，他與朋友正飲茶傾偈，突然有一隻雞從上方飛落，「當時真係嚇一嚇，難免有啲驚。之後先發現原來係對面大廈天台飛落嚟，雞主仲喺對面揮手話：『我哋隻雞飛走咗。』」