每日朝早起身都覺得特別辛苦，醒咗都仲係個人懵懵哋？原來未必一定係你懶，亦未必純粹因為唔夠瞓，問題隨時出喺鬧鐘聲。最新研究發現，太刺耳、太急促嘅鬧鐘聲，可能令身體一醒就即刻進入高度緊張狀態，反而令人更攰。
視聽整合行銷公司Startle分析140款智能手機鬧鐘聲後發現，超過一半 iPhone 內建鈴聲過於刺激，容易令人起身一刻即時進入「戰或逃」（fight or flight）反應，令起床不適感更明顯。
心理學家兼睡眠專家 Ritz Birah 指，唔少人起身後手軟腳軟、個腦仲未開機，其實係受「睡眠慣性」影響。佢解釋，有旋律同節奏感嘅鬧鐘聲，可以較溫和咁刺激大腦皮質網絡，包括負責專注力同聽覺處理嘅區域，令身體慢慢由瞓覺狀態過渡到清醒。
研究指出，理想鬧鐘聲最好有簡單易記嘅旋律，主頻率約500赫茲，節奏則以每分鐘100至120拍最理想，幫助身體循序漸進提高警覺，減少起身後「散晒」嘅感覺。
研究團隊特別點名，iPhone 用戶首選內建鈴聲「煎茶」（Sencha），認為佢旋律簡單、節奏約每分鐘110拍，最符合科學標準。其他較推薦選擇包括「在海邊」（By the Seaside）、「腳步」（Steps）同「振奮」（Uplift）。
至於 Samsung 用戶，研究則推薦「合成鈴聲」（Synth Bell）同「輪滑迪斯可」（Roller Disco），指兩款音調較柔和、節奏穩定，較適合作晨早鬧鐘。
如果唔鍾意用手機鬧鐘，專家亦建議考慮「日出鬧鐘」，透過模擬日出時光線慢慢變光，幫助抑制褪黑激素分泌，令身體更自然咁醒過嚟。
專家提醒，除咗揀啱鬧鐘聲，最重要都係建立固定作息。如果可以每日差唔多時間起身，醒咗之後盡快接觸陽光、飲杯水或者做幾下深呼吸，都有助個腦快啲進入狀態。
@pt101_fitness #pt101特約贊助
想開始又未開始？PT101做緊一對一入門級私人教練課程都係$2999/10堂
🍽️ 全方位支援 – 訓練+營養+生活型態調整，六間分店自由選擇
輸入GETFIT2026即可獲得90分鐘免費一對一試堂👇
📲立即預約：https://pt101fitnesshk.com
📞WhatsApp預約：97071396
📍 銅鑼灣 | 鰂魚涌 | 觀塘 | 荃灣 | 中環｜旺角
