西班牙一間任食壽司餐廳近日因推出「嘔吐費」引起網民熱議。位於塞維亞省赫爾韋斯的Sushi Toro表示，近月多次有顧客在任食模式下過量進食，最終在店內嘔吐，影響其他食客用餐、店內衞生及日常服務，餐廳因此決定向因食太多而嘔吐的顧客收取額外清潔費。餐廳同時呼籲客人按自己食量落單，不要因為任食而過量點餐。
當地傳媒報道指，Sushi Toro是當地一間受歡迎的壽司任食餐廳，任食價錢約為16.90至23.90歐元，折合約133至189港元，視乎用餐時段及日子而定。餐廳指，問題不是個別事件，而是近月不斷有顧客「不停點、不停食」，甚至食到在餐桌及洗手間嘔吐。
餐廳解釋，這類情況不但影響其他食客，亦增加員工清潔負擔，對服務流程及衞生管理造成困擾。店方表示，團隊每天都努力準時出餐及維持餐廳清潔，希望顧客理解及配合，「請點自己食得完的份量」。
事件曝光後，網民反應兩極。有人支持餐廳做法，認為任食不等於可以浪費或食到失控，若嘔吐影響其他人，收取清潔費合情合理；亦有人質疑規定難以執行，例如如何判斷顧客是否因「食太多」而嘔吐，抑或因身體不適或其他原因。
不過，餐廳暫未公開「嘔吐費」的實際金額，只表示會按情況收取額外清潔費。相比不少任食餐廳會向浪費食物的顧客收取附加費，Sushi Toro今次則直接針對「食到嘔」收費。
@pt101_fitness #pt101特約贊助
想開始又未開始？PT101做緊一對一入門級私人教練課程都係$2999/10堂
🍽️ 全方位支援 – 訓練+營養+生活型態調整，六間分店自由選擇
輸入GETFIT2026即可獲得90分鐘免費一對一試堂👇
📲立即預約：https://pt101fitnesshk.com
📞WhatsApp預約：97071396
📍 銅鑼灣 | 鰂魚涌 | 觀塘 | 荃灣 | 中環｜旺角
——————–
記得Follow埋我哋後備IG @kong.news2 呀！
