匈牙利慶祝政權更替 政客狂舞爆紅 網民笑言：佢先係主角

匈牙利大選塵埃落定之際，原本應該聚焦勝選演說，點知全場焦點竟然被一段「神級舞步」搶走。主角正是政客Zsolt Hegedus，在慶祝場合突然起舞，瞬間成為全網熱話。

事發於4月12日，當Peter Magyar為Tisza Party壓倒性勝出發表演說，宣告結束Viktor Orban長年執政之際，台下的Hegedus完全投入氣氛，舞步越跳越放，現場氣氛直接「爆燈」。

片段隨即瘋傳，唔少網民笑言「佢先係主角」、「政治都可以咁有娛樂性」，更有人話「睇完都唔記得邊個贏咗」，成功將一場嚴肅政治場合變成另類娛樂事件。

Magyar有望出任新任總理，而Hegedus亦被視為未來衛生部長人選之一，未正式上任已經憑一段舞「打響名堂」。